Lífrænar sápuskeljar til þvotta í lausu

3.990 kr.

Sápuskeljar eru lífrænt þvottaefni sem bókstaflega vex á trjánum. Sápuskeljar eru vinsælar til þvotta í sveitum Indlands og sem náttúrusjampó. Sápuskeljarnar þrífa vel en eru mildar á sama tíma. Þvotturinn verður ferskur og hreinn en sápuskeljarnar slíta þvottinum ekki á sama hátt og mörg önnur þvottaefni.

Sápuskeljar eru lífrænt þvottaefni sem bókstaflega vex á trjánum. Sápuskeljar eru vinsælar til þvotta í sveitum Indlands og sem náttúrusjampó. Sápuskeljarnar þrífa vel en eru mildar á sama tíma. Þvotturinn verður ferskur og hreinn en sápuskeljarnar slíta þvottinum ekki á sama hátt og mörg önnur þvottaefni.

Sápuskeljarnar eru þurrkuð aldin plöntunnar Sapindus Mukorossi sem innihalda náttúrulega sápu og eru alveg laus við tilbúin eða eitruð innihaldsefni.

Náttúrulegur valkostur við hefðbundið þvottaefni sem mengar ekki og brotnar niður í náttúrurunni.

Hentar viðkvæmri húð og þeim sem hafa ofnæmi eða astma

Innihaldsefni

100% lífrænar sápuskeljar (Sapindus Mukorossi)

Laust við plast og öll aukaefni
Umbúðir

Bómullarpoki

Notkun

1. Setjið 5 sápuskeljar í litla bómullarpokann (hægt að kaupa með).
2. Setjið litla pokann með sápuskeljunum í, inn í tromluna á þvottavélinni.
3. Þvoið þvottinn samkvæmt þvottaleiðbeiningum á fatnaðinum.
4. Geymið notaðar sápuskeljar, þær má nota allt að fimm sinnum.

Mjög óhreinn þvottur:
Notið 6-8 sápuskeljar eða 500ml af heimatilbúnum sápuskeljaþvottalegi (sjá leiðbeiningar hér fyrir neðan).

Lítið óhreinn þvottur:
Notið 3-5 skeljar eða 250ml af heimatilbúnum sápuskeljaþvottalegi (sjá leiðbeiningar hér fyrir neðan).

Nota má ilmolíur með sápuskeljunum. Þá má til dæmis setja 10-15 dropa í litla pokann með sápuskeljunum áður en þær eru settar í tromluna.

Fyrir erfiða bletti getur verið gott að setja 2 matskeiðar af matarsóda í sápuhólfið á þvottavélinni. Ennig má nota edik.

Heimatilbúinn sápuskeljaþvottalögur
1. Setjið 15-20 sápuskeljar (50gr) í pott ásamt 2 lítrum af vatni.
2. Látið suðuna koma upp og sjóðið í 10 mínútur en slökkvið þá undir, setjið lok á pottinn og leyfið að kólna.
3. Síið vökvann frá skeljunum, þegar hann hefur kólnað, og hellið í flöskur eða krukkur, merkið og geymið í kæli.
4. Geymið notuðu sápuskeljarnar í kæli, þær má sjóða með þessum hætti allt að 4 sinnum.

Notkun á sápuskeljaþvottalegi

Í þvottavélina:  Hellið einum bolla/250 ml. af þvottalegi í þvottaefna skúffuna á þvottavélinni og þvoið samkvæmt leiðbeiningum. Fyrir sérstaklega óhreinan þvott: Notið 500 ml. af þvottalegi.

Handþvottur: Notið 250 ml af þvottalegi, þvoið og skolið vel.

Hreingerning: Setjið 400ml af sápuskeljaþvottalegi í spreybrúsa og bætið út í 100ml af ediki, einnig má setja út í ilmolíu.

Skordýrafæla: Til að fæla skordýr frá plöntum má blanda 500ml af sápuskeljaþvottalegi í spreybrúsa ásamt 10 dropum af lavender, neem, rósmarín eða piparmintu ilmkjarnaolíu. Hristið vel og spreyið svo plönturnar.

Geymið þvottalöginn í kæli og í lokuðu íláti!
Sápuskeljar eru náttúrulegar og geta því verið viðkvæmar fyrir geymslu, ekki er gott að geyma sápuskeljarnar í raka.

Þegar sápuskeljarnar eru hættar að gefa sápu er hægt að setja þær í blandara með vatni og útbúa mauk sem hægt er nota sem almenn hreinsilög, uppþvottalög og sem almenna heimilissápu. Einnig má nota vökvann til að þvo gæludýrum.
Geymið sápuskeljamaukið í lokuðu íláti á köldum stað.

Upprunaland

Indland

Flokkast sem

Skeljarnar mega fara í moltu, út í beð, eða í almennt rusl eftir notkun. Þær eru 100% náttúrulegar.

Umbúðirnar flokkast sem textíll.